近日内地节目《蒙面唱将猜猜猜》入面，
听到一把熟悉嘅声音，
唱嘅系张国荣经典金曲《追》！
呢个歌手系边个呢？
有啲人一听就听得出，
就算听唔出，但佢一飙高音，
大家一定知道，
佢就系，我哋熟悉嘅侧田！
▼▼▼
当侧田系《蒙面唱将猜猜猜》嘅演出后，
无论内地定系香港嘅媒体，
都对侧田有好高好高嘅评价，
甚至巫启贤都话佢系继陈奕迅之后，
最影响到亚洲嘅香港男歌手！
当然，最后侧田嘅影响力可以去到几远，
呢一刻我哋唔知，
但以侧田嘅实力，
绝对系香港乐坛非常重要嘅资产！
不经不觉已经出道咗11年嘅侧田，
当年以一碟上红馆嘅纪录成为经典，
直到11年过去，喺红馆开演唱会都试过好几次，
无数嘅经典歌曲，其实陪伴住好多80后90后嘅成长！
佢没有型英帅靓正嘅外表，只有平凡嘅面孔，
佢没有六尺高，只有中等嘅身材，
佢没有一帆风顺嘅星途，只有了得嘅唱功…
「若谈样子，不会叫好，不算最讨好～」
呢句出自《好人》嘅歌词，
好可能系最适合用来形容侧田嘅其貌不扬。
不过，侧田唔会系：
「我唱得不够动人你别皱眉～」
因为由佢演唱嘅情歌，的确十分动人！
可能大家未必知道，
其实侧田系先写曲，
然后先至被发掘成为歌手嘅。佢喺05年为古巨基写嘅
《大雄》《伤追人》，大受欢迎，
其后被获邀出席古巨基《劲歌金曲演唱会》，
喺清唱环节中一鸣惊人，
后来加入黄柏高旗下成为歌手。
同年发行嘅专辑《Justin》，大受好评，
更获得05年度叱吒乐坛及十大劲歌金曲嘅新人奖，
直头系当年嘅新人王。
可惜嘅系，侧田嘅歌唱事业在此之后，
并无再次登上另一个高峰，
呢个或者同佢一直戴帽示人嘅形象，
以及同好兄弟曹格动武等负面新闻有关。
侧田出道以来嘅代表作品，
当然首推《好人》同《命硬》，
由于大家对呢两首歌必定耳熟能详，
在此亦不作多说。
而家想分享嘅系，
侧田果首《美丽之最》同《运》。
单以旋律及歌词而言，
《美丽之最》系一首经典到不能再经典嘅情歌。
其特别之处，
或许就系当女生听到呢首歌时，
一定会冧死。
点解？
因为《美丽之最》嘅歌词，
完美演绎出咩系「情人眼里中西施」：
「望你不施脂粉多好看，自信坦率多可爱眼光」
即使系素颜嘅你都十分好睇。
「眼，看你半世还未够」
即使望住你半个世纪都觉得不够，
要一生一世睇住你。「喜欢你的眉头，哪怕皱起始终清秀」
即使你嬲嬲猪、皱住眉个样都特别靓！
呢啲说话，或者系好多女生希望，
从另一半或心仪对象果度所听到。
所以，如果你唔够高富帅，
唔洗灰，或者呢只歌可以帮到你，
用诚意来打动对方。
[侧田-运]
《运》
系同15年新人王吴业坤《阳光点的歌》一样，
同属励志歌，
最适合喺失意嘅时候聆听，
以治疗受到创伤嘅心灵。歌词中果句
「我相信际遇如一面镜，用笑代替哭声，霉运才能拨正」
正是全首歌嘅精髓所在。
与其日怨夜艾，
成日为自己嘅时运不济而痛哭流泪，
倒不如调整心态，
学会「塞翁失马，焉知非福」嘅道理，
以正面态度来睇果啲唔好嘅事，
日后嘅际遇或者能够好似镜咁拨乱反正，
行起运来。
[侧田-同步]
侧田曾经喺年告别香港乐坛，
并到内地发展，
之后又翻返香港再战乐坛。
的确因为种种嘅原因，
侧田都曾经表示过会退出香港乐坛，
但无论点都好，香港乐坛系好需要唱得之人。
侧田，
期望有一日，
会见到你唱更多好歌俾我哋听！
期待明天的蒙面唱将！
阅读
投诉
赞赏
转载请注明：http://www.budanx.com/xwzts/3205.html
